MAKA-KALIKASANG KYUSI

Magkaroon ng environment-friendly policies tungo sa sustainable development. Iyan ang hangarin ng lokal na pamahalaan ng Quezon City. Hindi lang basta mga polisiya, kundi maka-kalikasang polisiya ang iniisip upang lutasin ang climate change.

Hindi ito magagawa ng iisang syudad. Ang pagtutulungan ng iba't-ibang sektor ng ating komunidad ang susi upang mapagtagumpayan ang problema sa climate change.

At bilang bahagi ng QC Future of Work Conference, ang Quezon City Government nagsagawa ng forum katuwang ang C40 Cities at British Embassy Manila na dinaluhan din ng ilang local government units, civil society organizations, academic institutions, at businesses. Layunin ng pagtitipon na ibahagi ang kani-kanilang best practices pagdating sa pagpapatupad ng climate change adaptation and mitigation.

"Cities Taking Charge: Mobilising Stakeholders in Climate Action and Sustainable Development", iyan ang tema ng forum kung saan nagsalita at nagbahagi rin ng best practices ng Quezon City si Majority Floor Leader Doray Delarmente.

Kasama si Councilor Delarmente, ang forum ay pinangunahan nina C40 Executive Director Mark Watts, Alistair White - Deputy Head of Mission, British Embassy Manila, at Climate Change and Environmental Sustainability Department head Bb. Andrea Villaroman.

Kung sama-sama at may pagtutulungan, malulutas natin ang problema sa pagkasira ng ating kalikasan.

Councilor Doray Delarmente